2019 May 22 Wednesday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ഇതര സംസ്ഥാന തൊഴിലാളികളുടെ ശുചിമുറി മാലിന്യം പുറത്തേക്കൊഴുകുന്നു

പെരുമണ്ണ: പെരുമണ്ണയില്‍ ഇതര സംസ്ഥാന തൊഴിലാളികള്‍ താമസിക്കുന്ന കെട്ടിടത്തിലെ ശുചിമുറി മാലിന്യം പുറത്തേക്ക് ഒഴുകി ദുര്‍ഗന്ധം പരക്കുന്നു. ഇവര്‍ താമസിക്കുന്ന പല കെട്ടിടങ്ങളിലും നൂറിലധികം  തൊഴിലാളികളെയാണ് താമസിപ്പിച്ചിരിക്കുന്നത്.
എന്നാല്‍ ഇവര്‍ക്ക് ആവശ്യമായ ശുചിമുറി ഒന്നോ രണ്ടോ മാത്രമേയുള്ളു.
രാവിലെ തൊഴിലാളികള്‍ ശുചിമുറി ഉപയോഗിച്ച് കഴിയുമ്പോള്‍ തന്നെ സെപ്റ്റിക് ടാങ്ക് നിറഞ്ഞ് ഒഴുകുകയും ചെയ്യുന്നു.
ഇതുമൂലം മലിനജലം തളം കെട്ടി വൃത്തിഹീനമായ ദുര്‍ഗന്ധം വമിക്കുന്നത് ജനങ്ങളെ ബുദ്ധിമുട്ടിലാക്കുന്നു.
പഞ്ചായത്തിലെ പല ഇതരസംസ്ഥാന തൊഴിലാളികളെ പാര്‍പ്പിക്കുന്ന കെട്ടിടങ്ങളിലും സെപ്റ്റിക് ടാങ്ക് നിര്‍മിക്കാതെ സമീപത്തെ തോട്ടിലൂടെ ശുചിമുറിയിലെ മാലിന്യങ്ങള്‍ ഒഴുക്കുകയാണ് ചെയ്യുന്നത്. പല കെട്ടിടങ്ങളിലും നൂറോളം തൊഴിലാളികളെയാണ് പാര്‍പ്പിച്ചിരിക്കുന്നത്.  
        ജിഷ വധത്തിന് ശേഷം ഇതരസംസ്ഥാന തൊഴിലാളികളുടെ വിവരങ്ങള്‍ ശേഖരിക്കാന്‍ പഞ്ചായത്തുകള്‍ സര്‍വേയും മറ്റ് പദ്ധതിയുമായി നീങ്ങുമ്പോള്‍ ആയിരക്കണക്കിന് ഇതരസംസ്ഥാന തൊഴിലാളികള്‍ താമസിക്കുന്ന പെരുമണ്ണയില്‍  യാതൊരു പദ്ധതിയുമില്ല.
 ഈ സാഹചര്യത്തില്‍ പഞ്ചായത്ത് അടുത്തിടെ പ്രഖ്യാപിച്ച തുറസ്സായ വിസര്‍ജ്യ രഹിത പഞ്ചായത്ത് എന്ന പ്രഖ്യാപനത്തിനെതിരെയും വന്‍ പ്രതിഷേധമാണുയരുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.