2019 July 20 Saturday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ആശങ്ക അകലുന്നില്ല; പെരിയാര്‍ തീരത്തിനു സമീപം കിണറുകള്‍ വറ്റുന്നു

പെരുമ്പാവൂര്‍: പ്രളയ ദുരിതത്തിന്റെ പ്രതിസന്ധിക്കു പിന്നാലെ ആശങ്ക ഉയര്‍ത്തി പ്രദേശത്തെ കിണറുകള്‍ വറ്റുന്നു. പെരിയാര്‍ തീരത്തു നിന്ന് 100 മീറ്റര്‍ ദൂരം മാത്രമുള്ള പല കിണറുകളിലും വെള്ളമില്ലാത്ത സ്ഥിതിയാണ്. 

കിണറുകളിലെ വെള്ളം കുറവായതോടെ കിണറിനെ ആശ്രയിക്കുന്നവര്‍ക്കാണ് ഏറെ പ്രതിസന്ധി രൂക്ഷമായിരിക്കുന്നത്. പെരിയാര്‍ കവിഞ്ഞതോടെ ദിവസങ്ങളോളം കിണറിന്റെ ചുറ്റുമതിലിനൊപ്പം വെള്ളം കെട്ടിനിന്ന പ്രദേശങ്ങളിലെ കിണറുകളാണ് ഇപ്പോള്‍ വറ്റിവരളുന്നത്.
പ്രളയം മൂലം അഴക്ക് വെള്ളം കലര്‍ന്നതോടെ ശുചീകരണത്തിന്റെ ഭാഗമായി ഭൂരിഭാഗം കിണറുകള്‍ വറ്റിച്ചിരുന്നു. പിന്നീട് വെള്ളം വേണ്ട രീതിയില്‍ ഉണ്ടായിട്ടില്ല. മഞ്ഞപ്പെട്ടി, മുടിക്കല്‍, കുന്നുവഴി പ്രദേശങ്ങളിലെ പല കിണറുകളും വറ്റിത്തുടങ്ങി. ഇതിന് പുറമെ പ്രളയം മൂലം അഴക്ക് വെള്ളം നിറഞ്ഞ കിണറുകളിലെ വെള്ളം പല സ്ഥലങ്ങളിലും ഉപയോഗ്യമായിട്ടില്ല. ഇതും കുടിവെള്ള ക്ഷാമത്തിന് കാരണമായിട്ടുണ്ട്.
പുഴയില്‍ ജലസാന്നിധ്യമുള്ളതിനാല്‍ കടുത്ത വേനലില്‍ പോലും ഈ ഭാഗത്തുള്ള കിണറുകള്‍ വറ്റിയിരുന്നില്ലെന്നാണ് നാട്ടുകാര്‍ പറയുന്നത്. ഇതിനാല്‍ പലര്‍ക്കും ജല അതോറിറ്റിയുടെ പൈപ്പ് കണക്ഷന്‍ ഇല്ലാത്തതും കുടിവെള്ള ക്ഷാമം നേരിടുന്നതിന് കാരണമാകുന്നതായിട്ടാണ് നാട്ടുകാര്‍ പറയുന്നത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News