2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

‘ആര്‍.എസ്.എസിനെ പോരാടിത്തോല്‍പ്പിക്കും’

തിരുവനന്തപുരം:ആര്‍.എസ്.എസിനെയും ബി.ജെ.പിയെയും പോരാടിത്തോല്‍പ്പിക്കുമെന്നും പക്ഷെ, അത് സ്‌നേഹത്തോടെയും കരുണയോടെയുമായിരിക്കുമെന്നും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.
തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടന്ന തെരഞ്ഞെടുപ്പ് പ്രചാരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വെറുപ്പിന്റെയും വിദ്വേഷത്തിന്റെയും രാഷ്ട്രീയമല്ല കോണ്‍ഗ്രസിന്റേത്. കോപവും വിഭജനവും ഇന്ത്യയെ വേദനിപ്പിക്കും. സ്‌നേഹവും ഐക്യവുമാണ് ഭാരതത്തെ ശക്തിപ്പെടുത്തുന്നതെന്നും രാഹുല്‍ ഗാന്ധി വ്യക്തമാക്കി. ആരുടെയും മേല്‍ ആശയസംഹിതകള്‍ കോണ്‍ഗ്രസ് അടിച്ചേല്‍പ്പിക്കില്ല. ആര്‍.എസ്.എസും ബി.ജെ.പിയുമാകട്ടെ, ജനങ്ങളുടെ ആശയങ്ങളും അഭിപ്രായങ്ങളും പരിഗണിക്കുന്നില്ല. ഏതുവിധേനെയും അധികാരത്തിലെത്തണമെന്നത് മാത്രമാണ് അവരുടെ ആഗ്രഹം. ഓരോരുത്തര്‍ക്കും അവരവരുടെ ആശയങ്ങളില്‍ വിശ്വസിക്കാം. അനില്‍ അംബാനിമാരുടെ ഒരു ഇന്ത്യ, പാവപ്പെട്ടവരുടെ മറ്റൊരു ഇന്ത്യ എന്നതാണ് നരേന്ദ്രമോദിയുടെ ഭരണത്തിന്റെ പ്രത്യേകതയെന്നും രാഹുല്‍ പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.