2020 April 07 Tuesday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

ആരോഗ്യ പ്രവര്‍ത്തകര്‍ ദൈവത്തിന്റെ പ്രതീകങ്ങള്‍

 

ന്യൂഡല്‍ഹി: ആരോഗ്യ പ്രവര്‍ത്തകരെ പീഡിപ്പിക്കുന്നവര്‍ പൊലിസ് നടപടി നേരിടേണ്ടിവരുമെന്ന് പ്രധാനമന്ത്രി നരേന്ദ്രമോദി. കൊറോണ വൈറസിനെതിരേ പോരാടുന്ന ആരോഗ്യ പ്രവര്‍ത്തകരായ വെളുത്ത കോട്ടുകാര്‍ ദൈവത്തിന്റെ പ്രതീകങ്ങളാണെന്നും അദ്ദേഹം പറഞ്ഞു. തന്റെ മണ്ഡലമായ ഉത്തര്‍പ്രദേശിലെ വരാണസിയില്‍ കൊറോണ വൈറസ് പ്രതിസന്ധിയെ കുറിച്ച് ജനങ്ങളുമായി വിഡിയോ കോണ്‍ഫറന്‍സിങ് വഴി സംസാരിക്കുകയായിരുന്നു പ്രധാനമന്ത്രി.
പലയിടത്തും ഡോക്ടര്‍മാരോടും നഴ്‌സുമാരോടും ആളുകള്‍ മോശമായി പെരുമാറുന്നത് അറിഞ്ഞെന്നും ഇതില്‍ തനിക്ക് വേദനയുണ്ടെന്നും അദ്ദേഹം പറഞ്ഞു.
വെളുത്ത കോട്ടിട്ടവര്‍ ദൈവത്തിന്റെ പ്രതിരൂപങ്ങളാണ്. അവരാണ് ഇന്ന് നമ്മുടെ ജീവന്‍ രക്ഷിക്കുന്നത്. അവരുടെ ജീവന്‍ പോലും അപകടത്തിലാക്കിയാണ് അവര്‍ ഇതു ചെയ്യുന്നതെന്നും പ്രധാനമന്ത്രി പറഞ്ഞു. രാജ്യം അടച്ചുപൂട്ടിയതിനു പിറ്റേദിവസമാണ് തന്റെ മണ്ഡലത്തിലെ ജനങ്ങളുമായി സംവദിക്കുന്ന ചോദ്യോത്തര പരിപാടി മോദി സംഘടിപ്പിച്ചത്. അടുത്ത 21 ദിവസത്തില്‍ കൊറോണ വൈറസിനെതിരായ യുദ്ധം വിജയക്കൊടി നാട്ടുമെന്ന് അദ്ദേഹം പറഞ്ഞു. മഹാരാഷ്ട്ര അടുത്ത 18 ദിവസത്തിനകം കൊറോണയ്‌ക്കെതിരായ പോരാട്ടത്തില്‍ വിജയം നേടും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.