2018 April 15 Sunday
കടമ കൃത്യമായും ഭംഗിയായും നിര്‍വഹിക്കാത്തവന് അവകാശങ്ങളില്ല.
മഹാത്മാ ഗാന്ധി

‘ആരാധനാലയങ്ങള്‍ ഫാസിസ്റ്റുകള്‍ ഒളിത്താവളങ്ങളാക്കുന്നു’

 

കോഴിക്കോട്: ലോകത്ത് നടക്കുന്ന ഏതു സംഭവത്തോടും പ്രതികരിക്കുന്ന പ്രധാനമന്ത്രി കത്‌വ, ഉന്നോവ സംഭവങ്ങളില്‍ രാജ്യം വിറങ്ങലിച്ചുനില്‍ക്കുമ്പോള്‍ കാണിക്കുന്ന മൗനം ഏറെ ഭീതിപ്പെടുത്തുന്നതാണെന്ന് ഡി.സി.സി പ്രസിഡന്റ് അഡ്വ. ടി. സിദ്ദീഖ്.
കേരള ഗസറ്റഡ് ഓഫിസേഴ്‌സ് യൂനിയന്‍ (കെ.ജി.ഒ.യു) ജില്ലാ കമ്മിറ്റി നടത്തിയ പ്രതിഷേധജ്വാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ബീന പൂവ്വത്തില്‍ അധ്യക്ഷയായി. ആരാധനാലയങ്ങള്‍ സംഘ്പരിവാറുകാര്‍ പീഡനകേന്ദ്രങ്ങളാക്കുകയാണ്.
ബലാത്സംഗവും കൊലപാതകവും നടത്തിയവരെ സംരക്ഷിക്കുകയും ന്യായീകരിക്കുകയും ചെയ്യുന്ന കേന്ദ്ര-സംസ്ഥാന ബി.ജെ.പി നേതാക്കളുടെയും മന്ത്രിമാരുടെയും നടപടികള്‍ ഏറെ ലജ്ജാകരവും ഭയാനകവുമാണെന്നും അദ്ദേഹം പറഞ്ഞു. വി. അബ്ദുല്‍ റസാഖ്, കെ.വി സുനില്‍കുമാര്‍, എസ്. ജിജിത്ത്, സാജിദ് അഹമ്മദ്, പി. മജീദ് സംസാരിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.