2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

ആരവം

ബാലകൃഷ്ണന്‍ ഒളവട്ടൂര്‍#

കൂട്ടുകാരാ
ഇതു വിപണനത്തിന്റെ
വിപത്കാലം.
വിചാരിക്കുംമുന്‍പേ
വിരസമാകുന്ന വര്‍ത്തമാനം.

കണ്ടില്ലേ
ലക്കിടിയില്‍
ഇപ്പോള്‍ മഴ പെയ്യുന്നതേയില്ല.
നിര്‍ത്താതെ പെയ്‌തൊടുങ്ങിയ ഒരുഷ്ണകാലം
മഴക്കാടുകള്‍.. മാരിവില്ലുകള്‍..
കുത്തൊഴുക്ക്.. പ്രളയം..
ചായക്കടയിലിരുന്ന്
ആ പഴയ നാട്ടുവര്‍ത്തമാനം…

ഇപ്പോള്‍
കര്‍ഷക സെമിനാറുകളില്‍ പ്രബന്ധങ്ങളില്ല.
കാലാവസ്ഥാ പ്രവാചകര്‍.. കവികള്‍.
ആര്‍ക്കും ആരോടും ഒന്നും പറയാനില്ല.
കുന്നിറങ്ങി
ഇടവഴിയിലൂടെ താഴോട്ട്
സമുദ്രത്തിന്റെ ആഴങ്ങളിലേക്ക്
ഒഴുകിപ്പോയ ഒരോര്‍മ.
കാടിളക്കി
കൊമ്പുകുലുക്കി
പ്രകമ്പനവഴിയിലൊരു പ്രണയം.

ഈയിടെയായിട്ട്
മഴ ഇങ്ങനെയാണ്.
ആര്‍ത്തലച്ചുവന്ന്
അലസമായി കടന്നുപോകും.
കബനി.. പമ്പ.. ചാലിയാര്‍…
ഒരു ചരിത്രവഴിയിലേക്കും
ഒലിച്ചിറങ്ങാനാവാതെ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.