2018 September 24 Monday
ലോകത്തെ മാറ്റിമറിക്കാന്‍ ഇറങ്ങുന്നവര്‍ ആദ്യം സ്വയം മാറ്റിമറിക്കട്ടെ
സോക്രട്ടീസ്

ആമാശയ കാന്‍സര്‍ കൂടുതല്‍ മലപ്പുറത്ത്; വന്‍കുടല്‍ കാന്‍സര്‍ കൊല്ലത്തും

ട്രിവാന്‍ഡ്രം കാന്‍സര്‍ സെന്ററിന്റെ പഠനം

കൊല്ലം: സംസ്ഥാനത്തു വന്‍കുടലില്‍ കാണപ്പെടുന്ന കാന്‍സര്‍ ഏറ്റവും കൂടുതല്‍ കൊല്ലത്തും ആമാശയ കാന്‍സര്‍ അധികവും മലപ്പുറത്തുമാണെന്നു ട്രിവാന്‍ഡ്രം കാന്‍സര്‍ സെന്റര്‍ ഡയറക്ടറും പ്രമുഖ കീഹോള്‍ ലാപ്രാസ്‌കോപ്പിക്ക് കാന്‍സര്‍ സര്‍ജനുമായ ഡോ. ബൈജു സേനാധിപന്‍.

കൊല്ലം ജില്ലയില്‍ ഏറ്റവും കൂടുതല്‍ മയ്യനാടും ചവറ, കരുനാഗപ്പള്ളി തീരമേഖലകളിലുമാണ്. കൊല്ലം തീരത്തെ കരിമണലില്‍നിന്നു റേഡിയേഷനാണ് ഇതിനു കാരണമെന്നാണ് അനുമാനം. എന്നാല്‍ ഇതുസംബന്ധിച്ചു ഇതുവരെ ആധികാരികമായിട്ടുള്ള റിപ്പോര്‍ട്ടുകള്‍ വന്നിട്ടില്ലെന്നു അദ്ദേഹം പറഞ്ഞു.

ട്രിവാന്‍ഡ്രം കാന്‍സര്‍ സെന്ററിന്റെ നേതൃത്വത്തില്‍ ഇതു സംബന്ധിച്ച പഠനം നടത്തും. മലപ്പുറം ജില്ലയില്‍ കാണപ്പെടുന്ന ആമാശയ കാന്‍സറിനു കാരണം മാംസാഹാരത്തിന്റെ ആധിക്യമാണ്. കാന്‍സര്‍ബാധിതരുടെ കണക്കു സംബന്ധിച്ചു സര്‍ക്കാരിന്റെ പക്കല്‍ യഥാര്‍ഥ കണക്കു ലഭ്യമല്ലെന്നു ഡോ. ബൈജു സേനാധിപന്‍ പറഞ്ഞു.

പദ്മശ്രീ ജേതാവും റീജിയണല്‍ കാന്‍സര്‍സെന്റര്‍ സ്ഥാപക ഡയറക്ടറുമായ ഡോ. എം കൃഷ്ണന്‍നായര്‍ നേതൃത്വം നല്‍കുന്നതാണ് ട്രിവാന്‍ഡ്രം കാന്‍സര്‍ സെന്റര്‍.

 

 


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.