2019 May 21 Tuesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

ആനപ്പാറ പൊറ്റമ്മല്‍ കടവ് തടയണ ചെക്ക് ഡാം നിര്‍മാണത്തിന് ആറുകോടിയുടെ സാങ്കേതികാനുമതി

മങ്കട: കൂട്ടിലങ്ങാടി പഞ്ചായത്തിലെ കടലുണ്ടിപ്പുഴയില്‍ ആനപ്പാറ പൊറ്റമ്മല്‍ കടവ് തടയണ ചെക്ക് ഡാം നിര്‍മാണത്തിന് ആറുകോടി രൂപയുടെ സാങ്കേതികാനുമതി ലഭിച്ചതായി ടി.എ അഹമ്മദ് കബീര്‍ എം.എല്‍.എ അറിയിച്ചു. കൂട്ടിലങ്ങാടി പഞ്ചായത്തിലെ ജനങ്ങള്‍ കുടിവെള്ളത്തിനായി ആശ്രയിക്കുന്ന മോദിക്കടവ്, മുണ്ടയില്‍ പടി, കാഞ്ഞമണ്ണ എന്നി പമ്പ് ഹൗസുകള്‍ക്ക് വെള്ളം നല്‍കാന്‍ ഈ പദ്ധതി വഴി സാധിക്കും.
വേനല്‍കാലത്ത് ഈ പമ്പ് ഹൗസുകളിലേക്കുള്ള ജലസ്രോതസ്സായി ഉപയോഗിക്കുന്നത് താല്‍ക്കാലിക തടയണകളെയാണ്. ജല ദൗര്‍ലഭ്യം കാരണം ഈ തടയണയില്‍ നിന്നും കടിവെള്ള വിതരണം നടത്തുന്നതിനാവശ്യമായ ജലം ലഭിക്കാറില്ല.
ഇതുമൂലം പ്രദേശത്ത് കുടിവെള്ള ക്ഷാമം രൂക്ഷമായതിനെ തുടര്‍ന്നും ജലവിതാനം വളരെ താഴുന്നതിനാല്‍ പ്രദേശങ്ങളിലെ കിണറുകളിലും മറ്റും ജലം ലഭ്യമാകാത്തതും വേനല്‍ കാലത്ത് കുടിവെള്ള ക്ഷാമം രൂക്ഷമാക്കിയിരുന്നു. ഇതേ തുടര്‍ന്നാണ് കൂട്ടിലങ്ങാടി പഞ്ചായത്തില്‍ കടലുണ്ടിപ്പുഴയിലെ ആനപ്പാറ പൊറ്റമല്‍ കടവിന് സമീപം ഒരു ചെക്ക്ഡാം നിര്‍മിക്കുന്നതിന് പദ്ധതിയിട്ടത്. ടെന്‍ഡര്‍ നടപടികള്‍ പൂര്‍ത്തിയാക്കി നിര്‍മാണം വേഗത്തിലാക്കുമെന്നും എം.എല്‍.എ അറിയിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.