2018 November 16 Friday
നിങ്ങള്‍ മൂന്നുപേരുള്ളപ്പോള്‍ രണ്ട് പേര്‍ മാത്രം മാറിനിന്ന് സ്വകാര്യം പറയരുത്

ആധുനിക ജീവസമസ്യകളുടെ പൂരണം: മുനവ്വറലി ശിഹാബ് തങ്ങള്‍

കുഞ്ഞോം: ഖുര്‍ആനിന്റെ സന്ദേശം ആധുനിക ജീവസമസ്യകളുടെ പൂരണമായി നിലനില്‍ക്കുന്നുവെന്ന് പാണക്കാട് മുനവ്വറലി ശിഹാബ് തങ്ങള്‍. മനുഷ്യനിര്‍മിത പ്രത്യയശാസ്ത്രങ്ങളും കാലാകാലം ഉയര്‍ത്തിയ വെല്ലുവിളികളും അതിജീവിച്ച ഗ്രന്ഥമാണ് ഖുര്‍ആന്‍. ഡബ്ല്യു.എം.ഒ ശരീഫ ഫാത്തിമ തഹ്ഫീളുല്‍ ഖുര്‍ആന്‍ സെന്റര്‍ സനദ്ദാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. മനുഷ്യന്റെ ആത്മീയ്യ വളര്‍ച്ചക്ക് ഖുര്‍ആന്‍ പാരായണം ചെയ്യുവാനും ആഴത്തിലുള്ള സ്വാധീനം ചെലുത്തി നിരീക്ഷിക്കുവാനും ചിന്തിക്കുവാനും ആഹ്വാനം ചെയ്യുന്ന ഖുര്‍ആന്‍ സധാ കര്‍മ്മ നിരതനാക്കുകയാണെന്നും അദ്ദേഹം പറഞ്ഞു. ചടങ്ങിന് ഡബ്ല്യു.എം.ഒ പ്രസിഡന്റ് കെ.കെ അഹമ്മദ് ഹാജി അധ്യക്ഷനായി. മായന്‍ മണിമ, അഹമദ് മാസ്റ്റര്‍, എസ് മുഹമ്മദ് ദാരിമി, കെ.സി അസീസ് സംസാരിച്ചു. സെക്രട്ടറി എം.എ മുഹമ്മദ് ജമാല്‍ സ്വാഗതം പറഞ്ഞു. പി.സി ആലിക്കുട്ടി ഹാജി നന്ദി പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.