2019 October 20 Sunday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ആദ്യം ജാതിയറിയട്ടെ.. എന്നിട്ടാകാം ആഘോഷം..

ന്യൂഡല്‍ഹി: ഒളിംപിക്‌സില്‍ വെള്ളി നേടുന്ന ആദ്യ ഇന്ത്യന്‍ വനിത, ബാഡ്മിന്റണില്‍ വെള്ളി നേടുന്നതും ഫൈനലിലെത്തുന്നതുമായ ആദ്യ വനിത എന്നിങ്ങനെ റെക്കോര്‍ഡ് നേട്ടമാണ് സിന്ധു നേടിയത്. വെള്ളി മെഡല്‍ നേട്ടം രാജ്യം മുഴുവന്‍ ആഘോഷിക്കുകയാണ്. എന്നാല്‍, അതിനിടയ്ക്കും ഓണ്‍ലൈന്‍ ലോകം മുഴുവനും തിരഞ്ഞത് സിന്ധുവിന്റെ വാള്‍പേപ്പറുകളല്ല മറിച്ച് സിന്ധുവിന്റെ ജാതിയെന്തെന്നാണ്. ജാതിയറിയന്‍ ഓണ്‍ലൈനില്‍ ആയിരങ്ങളാണ് തിരഞ്ഞതെന്ന് ഗൂഗിള്‍സ്റ്റാറ്റിസ്റ്റിക്‌സില്‍ നിന്നും വ്യക്തം.

PV-sindhu-google-search-bar

സിന്ധുവിന്റെ ജാതി ഏറ്റവും കൂടുതല്‍ തിരഞ്ഞത് സ്വന്തം നാട്ടുകാര്‍ തന്നെയാണ്. പി.വി സന്ധു കാസ്റ്റ് എന്ന ടേം ഗൂഗിള്‍ സെര്‍ച്ച് സജക്ഷനില്‍ ഇടം പിടിച്ചിട്ട് ഏതാണ്ട് ഏഴു ദിവസമേ ആയിട്ടുള്ളൂ. വെള്ളി മെഡല്‍ നേട്ടം കൈവരിച്ച ദിവസം അത് ഉന്നതിയിലെത്തി. വെള്ളിയാഴ്ച മുതലുള്ള ഗൂഗിള്‍ സ്റ്റാറ്റിസ്റ്റിക്‌സ് നോക്കിയാല്‍ മനസ്സിലാകും.

സിന്ധുവിന്റെ ജാതി തെരഞ്ഞ സംസ്ഥാനങ്ങളില്‍ ആന്ധ്രാപ്രദേശ് ആണ് പട്ടികയില്‍ ഒന്നാം സ്ഥാനത്ത്. തെലങ്കാന രണ്ടും ഹരിയാന മൂന്നും സ്ഥാനങ്ങളിലുണ്ട്. കര്‍ണാടക, തമിഴ്‌നാട്, ന്യൂഡല്‍ഹി എന്നീ സംസ്ഥാനങ്ങിലെ ജനങ്ങളാണ് തൊട്ടുപിന്നിലുള്ളത്.

Pv sindhu caste state

മെയ്, ജൂണ്‍, ജൂലൈ മാസങ്ങളിലെ വിവരങ്ങളുമുണ്ട് ഗൂഗിള്‍ സ്റ്റാറ്റിസ്റ്റിക്‌സില്‍. ജൂണില്‍ മാത്രം 1.5 ലക്ഷം മേരും ജൂലൈയില്‍ 90,000 പേരും സിന്ധുവിന്റെ ജാതി തിരഞ്ഞു.

Pv sindhu caste diagram

മറ്റു രാജ്യക്കാരും സിന്ധുവിന്റെ ജാതി തിരഞ്ഞ പട്ടികയിലുണ്ട്. അമേരിക്ക, ഓസ്‌ട്രേലിയ, കാനഡ, മലേഷ്യ, സഊദി, ബ്രിട്ടണ്‍, ന്യൂസിലാന്‍ഡ് എന്നിവയാണവ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.