2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ആഘോഷങ്ങളില്‍ സഹിഷ്ണുതയുടെ അവസരങ്ങള്‍ വളര്‍ത്തണം: എസ്.വൈ.എസ്

കോഴിക്കോട്: ആഘോഷങ്ങളില്‍ പരസ്പര സഹകരണത്തിന്റെയും സഹിഷ്ണുതയുടെയും അവസരങ്ങള്‍ വളര്‍ത്താന്‍ ശ്രമിക്കണമെന്ന് എസ്.വൈ.എസ് ജില്ലാ പ്രവര്‍ത്തകസമിതി യോഗം അഭിപ്രായപ്പെട്ടു. ബഹുസ്വര സമൂഹത്തില്‍ ഓരോ മതവിശ്വാസികളും അവരുടെ ആചാരങ്ങളും ആഘോഷങ്ങളും അതത് വിശ്വാസങ്ങള്‍ക്ക് വിധേയമായി നടത്തുമ്പോഴും സഹകരിക്കാവുന്ന മേഖലകളില്‍ ഒന്നിക്കണം. എന്നാല്‍ മതസൗഹാര്‍ദത്തിന്റെ പേരില്‍ സങ്കരസംസ്‌കാരവും ആചാരങ്ങളില്‍ പങ്കാളിത്വവും പ്രകടിപ്പിക്കുന്നത് ഇസ്‌ലാമിക വിരുദ്ധമാണെന്ന് യോഗം വ്യക്തമാക്കി.
പെരുന്നാള്‍-ഓണം ആഘോഷങ്ങളില്‍ യുവാക്കള്‍ നിയമലംഘനം നടത്തി അപകടങ്ങളും സാമൂഹ്യ വിപത്തുകളും അസാന്മാര്‍ഗിക പ്രവണതകളും ഉണ്ടാക്കുന്നത് സമൂഹം കരുതലോടെ കാണണമെന്നും യോഗം ചൂണ്ടിക്കാട്ടി. പ്രസിഡന്റ് സി.എച്ച് മഹ്മൂദ് സഅദി അധ്യക്ഷനായി. യു.കെ അബ്ദുല്ലത്തീഫ് മൗലവി ഉദ്ഘാടനം ചെയ്തു. ഉമര്‍ ഫൈസി മുക്കം, മുസ്തഫ മുണ്ടുപാറ, കെ. മോയിന്‍കുട്ടി മാസ്റ്റര്‍, നാസര്‍ ഫൈസി കൂടത്തായി, ആര്‍.വി കുട്ടി ഹസന്‍ ദാരിമി, സലാം ഫൈസി മുക്കം, സൈനുല്‍ ആബിദീന്‍ തങ്ങള്‍, അഷ്‌റഫ് ബാഖവി ചാലിയം, കെ.പി കോയ, ടി.കെ ഇമ്പിച്ചി അമ്മദ് ഹാജി, നടുക്കണ്ടി അബൂബക്കര്‍, കെ.എന്‍.എസ് മൗലവി, സി. അബ്ദുല്‍ ശുക്കൂര്‍, കെ.സി മുഹമ്മദ് ഫൈസി, അബു ഹാജി രാമനാട്ടുകര, ബാവ ജീറാനി, കെ.പി.സി ഇബ്‌റാഹിം, റഫീഖ് മാസ്റ്റര്‍ വാകയാട്, യൂസുഫ് ഫൈസി വെണ്ണക്കോട്, അബ്ദുല്‍ ഖാദര്‍ ഹാജി കിണാശ്ശേരി, മുഹമ്മദ് പടിഞ്ഞാറത്തറ, പി.കെ മുഹമ്മദ്, എ.ടി മുഹമ്മദ് മാസ്റ്റര്‍, ഉമ്മര്‍ ബാഖവി ഓമശ്ശേരി, സി.കെ ബീരാന്‍കുട്ടി, പി. ഇമ്പിച്ചിക്കോയ ഹാജി, കെ.എം.എ റഹ്മാന്‍, കെ. കുഞ്ഞമ്മദ് ബാഖവി, ബഷീര്‍ ദാരിമി നന്തി, കെ. അബ്ദുല്ലത്തീഫ് സംസാരിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.