2019 August 24 Saturday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

അസറ്റ് ഹോംസ് 16 മുതല്‍ ക്വാളിറ്റി ഫെസ്റ്റിവല്‍ സംഘടിപ്പിക്കും

 

കൊച്ചി: അസറ്റ് ഹോംസിന്റെ നിര്‍മ്മാണത്തിലെ സാങ്കേതിക മികവ് നേരിട്ട് പരിശോധിച്ചറിയുവാനും നിര്‍മ്മാണത്തിലെ ഗുണമേന്മ മാനദണ്ഡങ്ങള്‍ പരിചയപ്പെടുന്നതിനും കേരളത്തിലെ സുപ്രധാന നഗരങ്ങളില്‍ ഏപ്രില്‍ 16 മുതല്‍ 30 വരെ ക്വാളിറ്റി ഫെസ്റ്റിവല്‍ സംഘടിപ്പിക്കുമെന്ന്് അസറ്റ് ഹോംസ് മാനേജിംഗ് ഡയറക്ടര്‍ വി. സുനില്‍ കുമാര്‍ പറഞ്ഞു.

തിരുവനന്തപുരത്ത് ഓര്‍ക്കസ്ട്ര, കൊല്ലം ഗ്രാന്‍ഡിയോസ്, കോട്ടയത്ത് സഫയര്‍, കൊച്ചിയില്‍ ലെഗ്രാന്‍ഡെ, ഇന്‍സിഗ്നിയ, കാന്‍വാസ്, തൃശ്ശൂരില്‍ ചിരാഗ്, കോഴിക്കോട് ഗുല്‍മോഹര്‍, കണ്ണൂരില്‍ ഗ്രാന്‍ഡ് സ്റ്റാന്‍ഡ് എന്നീ പ്രോജക്ടുകളിലാണ് ക്വാളിറ്റി ഫെസ്റ്റിവല്‍ സംഘടിപ്പിക്കുന്നത്.

സുരക്ഷ, ഈട്, അവലംബിക്കുന്ന നിര്‍മ്മാണരീതി, സമയം എന്നിങ്ങനെ നിര്‍മ്മാണമികവിനെ സ്വാധീനിക്കുന്ന നിരവധി ഘടകങ്ങളെ സംബന്ധിച്ചുള്ള കൃത്യമായ അവബോധം നേടുന്നതിനുള്ള അവസരമാണിത്.

കഴിഞ്ഞ സാമ്പത്തികവര്‍ഷം വില്‍പനയിലും വരുമാനത്തിലും അസറ്റ് ഹോംസ് വര്‍ധനവ് നേടി. ഉപഭോക്താക്കളുടെ എണ്ണത്തില്‍ 31% വും വിറ്റുവരവില്‍ 29% വും വളര്‍ച്ചയാണ് കമ്പനി രേഖപ്പെടുത്തിയത്.

ഏഴ് പദ്ധതികള്‍ കൃത്യസമയത്ത് നിര്‍മ്മാണം പൂര്‍ത്തീകരിച്ച് ഉപഭോക്താക്കള്‍ക്ക് കൈമാറി. നിലവില്‍ 28 ലക്ഷം ചതുരശ്ര അടി വിസ്തൃതിയില്‍ 26 പദ്ധതികളാണ് കേരളത്തിലെ 15 നഗരങ്ങളിലായി നിര്‍മ്മാണത്തിന്റെ വിവിധ ഘട്ടങ്ങളിലുള്ളതെന്നും അദ്ദേഹം വ്യക്തമാക്കി.

പുതിയ സാമ്പത്തിക വര്‍ഷത്തില്‍ തിരുവനന്തപുരം, ആലപ്പുഴ, എറണാകുളം, തൃശ്ശൂര്‍, കോഴിക്കോട്, കണ്ണൂര്‍ എന്നീ നഗരങ്ങളില്‍ 16 പുതിയ ഭവനപദ്ധതികള്‍ അവതരിപ്പിക്കും.

925 കോടി രൂപ മുടക്കു മുതലുള്ള ഈ പദ്ധതികളിലായി 18 ലക്ഷം ചതുരശ്ര അടിയിലായി 1600 ഭവനങ്ങളാണ് ഉണ്ടാവുക.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News