2019 January 19 Saturday
ഒരു നല്ല വാക്ക് പറയുന്നതും അരോചകമായത് ക്ഷമിക്കുന്നതും ദ്രോഹം പിന്തുടരുന്ന ദാനത്തെക്കാള്‍ ഉല്‍കൃഷ്ടമാകുന്നു

അവാര്‍ഡ് വാപ്പസിയുമായി മഹാരാഷ്ട്രയിലെ കര്‍ഷകരും

മുംബൈ: എഴുത്തുകാര്‍ക്കും കലാകാരന്‍മാര്‍ക്കും പിന്നാലെ അവാര്‍ഡുകള്‍ തിരിച്ചു നല്‍കാന്‍ കര്‍ഷകരും.
വരള്‍ച്ച രൂക്ഷമായ മഹാരാഷ്ട്രയിലെ മറാത്ത്‌വാഡയിലെ കര്‍ഷകരാണ് തങ്ങളെ ആദരിച്ചുകൊണ്ട് സസ്ഥാന സര്‍ക്കാര്‍ നല്‍കിയ അവാര്‍ഡുകള്‍ തിരിച്ചുനല്‍കാന്‍ തീരുമാനിച്ചിരിക്കുന്നത്.
വരള്‍ച്ച നേരിടാനുള്ള സംസ്ഥാന സര്‍ക്കാരിന്റെ ബുദ്ധിശൂന്യമായ നടപടികള്‍ക്കെതിരേയും കര്‍ഷക ആത്മഹത്യകള്‍ തടയുന്നതിലുള്ള കഴിവുകേടിലും പ്രതിഷേധിച്ചാണ് അവാര്‍ഡുകള്‍ തിരികെ നല്‍കാന്‍ തീരുമാനിച്ചതെന്ന് കര്‍ഷക സംഘടനകള്‍ പറഞ്ഞു.
നാരായണ്‍ ഘാട്‌കെ എന്ന 78 കാരന്‍ തനിക്ക് 1983ല്‍ ലഭിച്ച അവാര്‍ഡ് തിരികെ നല്‍കിക്കൊണ്ട് ഇതിനു തുടക്കം കുറിച്ചുകഴിഞ്ഞു.
നൂതന കാര്‍ഷിക പദ്ധതികളിലൂടെ വിളവ് കൂട്ടിയതിന് സംസ്ഥാന ഗവര്‍ണറില്‍ നിന്നു ലഭിച്ച അവാര്‍ഡാണ് ഇദ്ദേഹം തിരികെ നല്‍കിയത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.