2019 December 11 Wednesday
ഐക്യാഹ്വാനം ചെയ്ത് റിയാദിൽ ഗൾഫ് ഉച്ചകോടി

അലിഗഢ്: ഈ നാടകം എന്തിനു വേണ്ടി?

മുഹമ്മദ് ശാക്കിര്‍ മണിയറ

അലിഗഢ് സര്‍വകലാശാലയുടെ ന്യൂനപക്ഷ പദവി നീക്കണമെന്ന ആവശ്യവുമായി ബി.ജെ.പി സര്‍ക്കാര്‍ സുപ്രിം കോടതിക്ക് സമര്‍പ്പിച്ച ഹരജി നിരവധി ദുസ്സൂചനകളാണ് നല്‍കുന്നത്. അടുക്കള വിട്ട് കാംപസുകളിലേക്ക് കടന്നുവന്ന ഫാസിസത്തിന്റെ രൗദ്രഭാവമാണ് ഇതില്‍ തെളിഞ്ഞു കാണുന്നത്.
ഭാരതത്തിന്റെ സ്വാതന്ത്ര്യലബ്ധിക്കും ഏറെ മുന്‍പുതന്നെ ഭാരതത്തിലെ ന്യൂനപക്ഷ വിഭാഗമായ മുസ്‌ലിംകളുടെ വിദ്യാഭ്യാസപരമായ ഉന്നമനം ലക്ഷ്യംവച്ച് സര്‍ സയ്യിദ് അഹ്മദ് ഖാന്‍ 1920കളില്‍ സ്ഥാപിച്ച അലിഗഢ് സര്‍വകലാശാല പില്‍ക്കാലത്തും മുസ്‌ലിംകളുടെ വിദ്യാഭ്യാസ മേഖലയില്‍ വഹിച്ച പങ്ക് കണ്ടറിഞ്ഞവരായിരുന്നു ഭാരത ജനത. ലോകം കണ്ട ഒരുപാട് പ്രമുഖ പണ്ഡിതര്‍ പിറന്നതും അലിഗഢിന്റെ മണ്ണില്‍ നിന്നാണെന്നതും സ്മരണീയമാണ്. അതുകൊണ്ടു തന്നെയായിരുന്നു ആ വിദ്യാഭ്യാസ വിചക്ഷണന്റെ മഹോന്നതി മാനിച്ച് ബ്രിട്ടീഷ് ഗവണ്‍മെന്റ് അദ്ദേഹത്തിന് സര്‍ പദവി നല്‍കി ആദരിച്ചതും. ഈ മഹത്തായൊരു സ്ഥാപനത്തിന് 1981ല്‍ ഗവണ്‍മെന്റ് നല്‍കിയ ന്യൂനപക്ഷ പദവി എടുത്തു കളയണമെന്നുന്നയിച്ച് ബി.ജെ.പി സമര്‍പ്പിച്ച ഹരജി വെറുമൊരു നീക്കമായി കാണാന്‍ പാടില്ല, മറിച്ച് ഇരച്ചിരച്ചു വരുന്ന ഫാസിസത്തിന്റെ കടന്നുവരവായിത്തന്നെ വേണം അതിനെ കാണാന്‍. ഏറെ ഭീതിതമായ ഇത്തരം നീക്കങ്ങള്‍ക്കെതിരേ മൗനം വെടിഞ്ഞ് ശക്തമായി പ്രതിഷേധിക്കാന്‍ നാം തയാറാകണം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.