2020 May 26 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

അറുപതോളം മോഷണം നടത്തിയയാള്‍ പിടിയില്‍

 

തൃശൂര്‍: വിവിധ ജില്ലകളിലായി അറുപതോളം മോഷണം നടത്തിയ തമിഴ്‌നാട് കോട്ടക്കല്‍ വിഴുപ്പുരം സ്വദേശി ശരവണന്‍ (54) പിടിയില്‍. തൃശൂര്‍ സിറ്റി പൊലിസ് കമ്മിഷണര്‍ യതീഷ് ചന്ദ്രയുടെ കീഴിലുള്ള പ്രത്യേക അന്വേഷണസംഘം പോണ്ടിച്ചേരിയില്‍ നിന്നാണ് ഇയാളെ കസ്റ്റഡിയിലെടുത്തത്.
ക്ഷേത്രങ്ങള്‍, വിദ്യാഭ്യാസ സ്ഥാപനങ്ങള്‍, സൂപ്പര്‍ മാര്‍ക്കറ്റുകള്‍, ഓഫിസുകള്‍, വീടുകള്‍ എന്നിവിടങ്ങളിലാണ് ശരവണന്‍ മോഷണം നടത്തിയത്. ഓരോ മോഷണം കഴിഞ്ഞാലും പോണ്ടിച്ചേരിയിലുള്ള വീട്ടിലേക്കു പോകും. പിന്നീട് അടുത്ത മോഷണത്തിനായി കേരളത്തിലേക്ക് ബസില്‍ യാത്ര തരിക്കുന്നതാണ് ഇയാളുടെ രീതി.
കുന്നംകുളത്തുള്ള ഫോണ്‍ ഗാലറി മൊബൈല്‍ ഷോപ്പില്‍നിന്ന് ഒന്നരലക്ഷ രൂപയും എന്‍ജിന്‍ വര്‍ക്‌ഷോപ്പില്‍നിന്ന് മൂന്നു ലക്ഷം രൂപയും കവര്‍ന്നിരുന്നു. ജയിലിലായിരുന്ന ഇയാള്‍ പരോളില്‍ ഇറങ്ങിയ സമയത്ത്, പാലക്കാട് ജില്ലയില്‍നിന്ന് 15ഓളം മോഷണവും നടത്തിയിട്ടുണ്ട്. സ്വര്‍ണപ്പണിക്കാരനായിരുന്ന ശരവണന്‍ ഭാര്യാപിതാവിനെയും സഹോദരിയുടെ 13 വയസുള്ള മകളെയും പഞ്ചാമൃതത്തില്‍ സയനൈഡ് നല്‍കി കൊലപ്പെടുത്തിയതിന് ശിക്ഷയനുഭവിച്ച് കഴിഞ്ഞ വര്‍ഷമാണ് പുറത്തിറങ്ങിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News