2019 May 25 Saturday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

അയ്യപ്പഭക്തരുടെ ബസും കാറും കൂട്ടിയിടിച്ച് രണ്ടു പേര്‍ക്ക് ഗുരുതര പരുക്ക്

വടകര: ദേശീയപാതയില്‍ പുതിയ ബസ് സ്റ്റാന്‍ഡിനു സമീപം ശബരിമല തീര്‍ഥാടക സംഘം സഞ്ചരിച്ച ബസും കാറും കൂട്ടിയിടിച്ച് രണ്ടു പേര്‍ക്ക് സാരമായ പരുക്ക്. കാര്‍ യാത്രക്കാരായ ഇവരെ കോഴിക്കോട് ബേബി മെമ്മോറിയല്‍ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച പുലര്‍ച്ചെ അഞ്ചോടെയാണ് സംഭവം.
തെലുങ്കാനയില്‍ നിന്നുള്ള അയ്യപ്പസംഘം സഞ്ചരിച്ച ബസും കണ്ണൂര്‍ ഭാഗത്തേക്കു പോകുന്ന കാറുമാണ് കൂട്ടിയിടിച്ചത്. കാര്‍ െ്രെഡവര്‍ക്ക് സാരമായ പരുക്കുണ്ട്.
ഇടിയില്‍ കാറിന്റെ മുന്‍ഭാഗം പാടെ തകര്‍ന്നു. പൊലിസും നാട്ടുകാരും ചേര്‍ന്ന് പരുക്കേറ്റവരെ സഹകരണാശുപത്രിയില്‍ എത്തിച്ചു. പിന്നീട് കോഴിക്കോട്ടേക്ക് മാറ്റി.
അപകടത്തെ തുടര്‍ന്ന് ദേശീയപാതയില്‍ ഗതാഗതം ഏറെ നേരം തടസപ്പെട്ടു. പഴയ ബസ് സ്റ്റാന്‍ഡ് വഴിയാണ് വാഹനങ്ങള്‍ കടത്തിവിട്ടത്. അപകടത്തില്‍പെട്ട വാഹനങ്ങള്‍ ക്രെയിന്‍ ഉപയോഗിച്ച് നീക്കം ചെയ്ത ശേഷമാണ് ഗതാഗതം സാധാരണനിലയിലായത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.