2018 September 20 Thursday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

അമിതാഭച്ചന്‍ നാളെ തൃശൂരില്‍

തൃശൂര്‍: പ്രമുഖ സിനിമാതാരം അമിതാഭച്ചന്‍ നാളെ തൃശൂരിലെ പൂങ്കുന്നത്തുള്ള പുഷ്പഗിരി ശ്രീ സീതാരാമസ്വാമി ക്ഷേത്രത്തിലെ ഉത്സവത്തില്‍ പങ്കെടുക്കും. ക്ഷേത്രത്തിന്റെ രക്ഷാധികാരികളിലൊരാളായ ടി.എസ് കല്യാണരാമന്റെ ക്ഷണപ്രകാരമാണ് അദ്ദേഹം പത്ത് ദിവസം നീളുന്ന വസന്തോത്സവത്തിന്റെ ഉദ്ഘാടന ചടങ്ങില്‍ പങ്കെടുക്കുന്നത്. മുന്‍ വര്‍ഷങ്ങളില്‍ ഈ ഉത്സവത്തോടനുബന്ധിച്ച് ശങ്കര്‍ മഹാദേവന്‍, ഹരിഹരന്‍ തുടങ്ങി പ്രശസ്തരായ ഒട്ടേറെ കലാകാരന്മാര്‍ സംഗീതപരിപാടികള്‍ അവതരിപ്പിച്ചിരുന്നു. അമിതാഭച്ചന്‍ സിനിമാഷൂട്ടിംങിനായി മുമ്പ് സംസ്ഥാനത്ത് വന്നിട്ടുണ്ട്. ക്ഷേത്രങ്ങളുടെ നാടായ തൃശൂരിലേക്ക് അദ്ദേഹം വരുന്നത് ഇതാദ്യമായാണ്. കല്യാണ്‍ ജൂവലേഴ്‌സിന്റെ വിമാനത്തില്‍ നെടുമ്പാശേരിയില്‍ വന്നിറങ്ങുന്ന അദ്ദേഹം കമ്പനിയുടെ ഹെലികോപ്റ്ററില്‍ ഉച്ചകഴിഞ്ഞ് തൃശൂരിലേക്ക് യാത്ര തിരിക്കും. നാളെ വൈകുന്നേരം അഞ്ചിന് നടക്കുന്ന ഉദ്ഘാടന ചടങ്ങുകളില്‍ പങ്കെടുത്തശേഷം അദ്ദേഹം രാത്രി തന്നെ തിരികെ മുംബൈയിലേക്ക് പോകും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.