2018 November 18 Sunday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

അഭിപ്രായ സ്വാതന്ത്ര്യത്തിനെതിരേയുള്ള നീക്കങ്ങള്‍ കരുതിയിരിക്കണം

അര്‍ശദ് തിരുവള്ളൂര്‍

വ്യത്യസ്ത സംസ്‌കാരങ്ങളെ സീകരിക്കുന്നതിന് പകരം ഏക ദേശീയ വാദത്തിനുള്ള കേന്ദ്ര സര്‍ക്കാരിന്റെ ശ്രമങ്ങള്‍ നാള്‍ക്കു നാള്‍ വര്‍ദ്ദിക്കുന്നതിനിടയിലാണ് ബംഗ്ലാദേശ് അക്രമത്തിന് പിന്നില്‍ പ്രവര്‍ത്തിച്ച തീവ്രവാദി പ്രമുഖ ഇസ്‌ലാമിക പ്രഭാഷകന്‍ സാകിര്‍ നായികിന്റെ പ്രഭാഷണങ്ങള്‍ തനിക്ക് പ്രചോദനമായിരുന്നുവെന്ന കുറിപ്പുകളിടുന്നത്. ഇതിന് പിന്തുടര്‍ച്ചയെന്നോണം ഇന്ത്യയില്‍ സാകിര്‍ നായികിന്റെ പ്രഭാഷണത്തെയും പ്രവര്‍ത്തനങ്ങളെയും തടയിടാനുള്ള ശ്രമങ്ങള്‍ ദ്രുതഗതിയില്‍ നടന്നു കൊണ്ടിരിക്കുകയാണ്.

ഭൂരിപക്ഷ മാധ്യമങ്ങള്‍ ഇതിനായി ശ്രമങ്ങള്‍ തുടരുമ്പോള്‍ അവഗണിക്കപ്പെടുന്ന ചില സത്യങ്ങളുണ്ട്. ഒരു വ്യക്തിയുടെ കുറിപ്പിന്റെ അടിസ്ഥാനത്തില്‍ വാളോങ്ങുന്നവര്‍ അദ്ദേഹത്തിന്റെ പ്രഭാഷണങ്ങളില്‍ തീവ്ര ആശയത്തെ പിന്തുണക്കുന്ന ആശയങ്ങളുണ്ടോയെന്ന് പരിശോധിക്കപ്പെടേണ്ടതുണ്ട്. ഇന്ത്യയുടെ പാര്‍ലമെന്റില്‍ ഉത്തരവാദിത്തപ്പെട്ട സ്ഥാനങ്ങള്‍ വഹിക്കുമ്പോള്‍ പോലും ദിനം പ്രതി വര്‍ഗീയ ദ്രുവീകരണത്തിന് പ്രചോദനമേകുകയും കൂടെ അതിനായി പ്രവര്‍ത്തക്കുകയും ചെയ്യുന്നവര്‍ സ്വതന്ത്രമായി വിലസുമ്പോള്‍ ഒരു വ്യക്തിയുടെ കുറിപ്പിന്റെ അടിസ്ഥാനത്തില്‍ എന്തിനാണ് ഇത്ര ബഹളങ്ങളെന്ന് തിരിച്ചറിയാന്‍ വലിയ ബുദ്ധിയുടെ ആവിശ്യമൊന്നുമില്ല.

കലക്കുവെള്ളത്തില്‍ മീന്‍ പിടിക്കാനിരിക്കുന്ന ശക്തികളോട് താദാത്മ്യപ്പെടുമ്പോള്‍ നഷ്ടമാവാന്‍ പോകുന്നത് ഒരോരുത്തരുടെയും വ്യക്തി സ്വാതന്ത്രമായിരിക്കുമെന്ന് തിരച്ചറിയേണ്ടിയിരിക്കുന്നു. ഭാവിയില്‍ മതം പറയാനും പ്രചരിപ്പിക്കാനുമുള്ള സ്വാതന്ത്രത്തിനുമേല്‍ ഏതെങ്കിലും തലക്ക് വെളിവില്ലാത്തവരുടെ പ്രവര്‍ത്തിമൂലം നിരോധനമേര്‍പ്പെടുത്തുക ആരാധന സ്വാതന്ത്രമായിരിക്കും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.