2018 June 11 Monday
വിഷമങ്ങള്‍ നേരിടുമ്പോള്‍ ക്ഷമയാണ് ധീരത. നിരാശയുടെ ഇരുള്‍മുറിയില്‍ തളര്‍ന്നിരിക്കാതെ പ്രതീക്ഷയുടെ വെളിച്ചത്തിലേക്ക് മനസിനെ നയിക്കുക.
ശ്രീബുദ്ധന്‍

അപേക്ഷ ജൂണ്‍ 13 വരെ; 56 തസ്തികകളില്‍ പി.എസ്.സി വിജ്ഞാപനം

സംവരണ വിഭാഗങ്ങള്‍ക്കുള്ള സ്‌പെഷല്‍ റിക്രൂട് മെന്റും ഏഴു തസ്തികകളിലെ ജനറല്‍ റിക്രൂട്‌മെന്റും ഉള്‍പ്പെടെ 56 തസ്തികകളിലേക്കു പി.എസ്.സി വിജ്ഞാപനം പുറപ്പെടുവിച്ചു. അസിസ്റ്റന്റ് പ്രൊഫസര്‍ ഇന്‍ റേഡിയോ തെറാപ്പി, സിസ്റ്റം അനലിസ്റ്റ്, സീനിയര്‍ പ്രോഗ്രാമര്‍, ഹയര്‍സെക്കന്‍ഡറി സ്‌കൂള്‍ ടീച്ചര്‍ (സോഷ്യോളജി, ജേണലിസം), പ്രൊഡക്ഷന്‍ അസിസ്റ്റന്റ് മാനേജര്‍, മൈന്‍സ് മേറ്റ്, ഫര്‍ണസ് ഓപറേറ്റര്‍ എന്നീ തസ്തികകളിലാണ് ജനറല്‍ റിക്രൂട്‌മെന്റ് നടക്കുന്നത്.
ഹിന്ദി ഫുള്‍ടൈം ജൂനിയര്‍ ലാംഗ്വേജ് ടീച്ചര്‍. അസിസ്റ്റന്റ് പ്രൊഫസര്‍ (കമ്യൂനിറ്റി സെന്‍ട്രിസ്ട്രി, ഓറല്‍ മെഡിസിന്‍ ആന്‍ഡ് റേഡിയോളജി, മൈക്രോബയോളജി), ഫിസിക്‌സ്, മൃദംഗം ലെക്ചറര്‍, അറബിക് ഹയര്‍സെക്കന്‍ഡറി സ്‌കൂള്‍ ടീച്ചര്‍, ഫയര്‍മാന്‍ കം പമ്പ് ഓപറേറ്റര്‍, വാച്ച്മാന്‍, ആയ, ജൂനിയര്‍ പബ്ലിക് ഹെല്‍ത്ത് നഴ്‌സ്, ഫാര്‍മസിസ്റ്റ്, ലൈവ് സ്റ്റോക്ക് ഇന്‍സ്‌പെക്ടര്‍, സിവില്‍ എക്‌സൈസ് ഓഫിസര്‍, പാര്‍ട് ടൈം ഉറുദു ഹൈസ്‌കൂള്‍ അസിസ്റ്റന്റ്, ലോവര്‍ ഡിവിഷന്‍ ക്ലര്‍ക്ക്, എക്‌സൈസ് ഡ്രൈവര്‍ തുടങ്ങിയ തസ്തികകളിലാണ് സംവരണ വിഭാഗക്കാര്‍ക്കുള്ള നിയമനം.
പി.എസ്.സി ഒറ്റത്തവണ രജിസട്രേഷന്‍ നടത്തുന്നതിനും അപേക്ഷിക്കുന്നതിനും യോഗ്യത, പരീക്ഷ. കൂടുതല്‍ വിവരങ്ങള്‍ എന്നിവ അറിയുന്നതിനും പി.എസ്.സിയുടെ www.keralapsc.gov.in എന്ന വെബ്‌സൈറ്റ് സന്ദര്‍ശിക്കുക. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്.
അപേക്ഷിക്കാവുന്ന അവസാന തിയതി: ജൂണ്‍ 13.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.