2019 July 22 Monday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

അനധികൃത മത്സ്യബന്ധനം; ഏഴ് ബോട്ടുകള്‍ക്ക് രണ്ടരലക്ഷം പിഴ

ചവറ: അനധികൃത മത്സ്യബന്ധനം നടത്തിയ ബോട്ടുകള്‍ക്കെതിരേ നടപടിയുമായി ഫിഷറീസ് വകുപ്പ്. ഏഴ് വള്ളങ്ങള്‍ക്ക് ഫിഷറീസ് വകുപ്പ് രണ്ടരലക്ഷത്തോളം രൂപ പിഴ ചുമത്തി. മത്സ്യബന്ധന ബോട്ടുകളും യന്ത്രവല്‍കൃത വള്ളങ്ങളും തീരത്തോടടുത്ത് മത്സ്യ ബന്ധനം നടത്തുന്നത് കേരള മറൈന്‍ ഫിഷറീസ് ആക്റ്റ് പ്രകാരം കുറ്റകരമാണ്. പൊഴിയൂര്‍ മുതല്‍ മഞ്ചേശ്വരംവരെ 20 മീറ്റര്‍ ആഴമുള്ളിടത്തും കൊല്ലങ്കോട് മുതല്‍ പറവൂര്‍വരെ 30 മീറ്റര്‍ ആഴത്തിലും മത്സ്യബന്ധനം നടത്താനാണ് അനുമതി. എന്നാല്‍ ഇത് ലംഘിച്ച് തീരക്കടലില്‍ ഇവര്‍ മത്സ്യബന്ധനം നടത്തുന്നത് വ്യാപകമാണ്.
രണ്ട് ബോട്ടുകള്‍ സ്ഥിരമായി നടത്തുന്ന നികത്തിവലി എന്ന മത്സ്യബന്ധന രീതി കാരണം പലപ്പോഴും പരമ്പരാഗത മത്സ്യത്തൊഴിലാളികളുമായി സംഘര്‍ഷമുണ്ടാകുന്നത് പതിവാണ്. ഇത്തരത്തില്‍ അനധികൃത മത്സ്യബന്ധനം നടത്തിയാല്‍ പിഴ അടക്കമുള്ള നടപടികള്‍ സ്വീകരിക്കുമെന്ന് ഫിഷറീസ് വകുപ്പ്, തീരദേശ പൊലിസ് അധികൃതര്‍ പറഞ്ഞു.യന്ത്രവല്‍കൃത ബോട്ടുകള്‍ തീരത്തോടടുത്ത് വലയെറിഞ്ഞതിനെ തുടര്‍ന്ന് മത്സ്യത്തൊഴിലാളികള്‍ ചേരിതിരിഞ്ഞ് കൊല്ലം തീരത്ത് ഏറ്റുമുട്ടിയിരുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.