2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

അതിരപ്പിള്ളിയില്‍ ഡാം: നിലപാടില്‍ മാറ്റമില്ലെന്ന് മന്ത്രി മണി

ചാലക്കുടി: അതിരപ്പിള്ളിയില്‍ ഡാം നിര്‍മിക്കണമെന്ന നിലപാടില്‍ മാറ്റമില്ലെന്ന് വൈദ്യുതി മന്ത്രി എം.എം മണി. പ്രളയത്തില്‍ തകരാറിലായ പെരിങ്ങല്‍ക്കുത്ത് പവര്‍ സ്റ്റേഷന്‍ സന്ദര്‍ശിച്ചശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ഘടകകക്ഷികള്‍ക്ക് വ്യത്യസ്ത അഭിപ്രായങ്ങളുണ്ട്. ചര്‍ച്ചയിലൂടെ ഇത് പരിഹരിക്കണം. പ്രളയക്കെടുതിക്ക് കാരണം ഡാം തുറന്നുവിട്ടതാണെന്ന ആരോപണം അടിസ്ഥാനരഹിതമാണ്. പണം കടമെടുത്താണെങ്കിലും പെരിങ്ങല്‍ക്കുത്ത് ഡാമിന്റെ കേടുപാടുകള്‍ തീര്‍ക്കും. ഷട്ടറുകളില്‍ അടിഞ്ഞുകൂടിയിട്ടുള്ള മരത്തടികളെല്ലാം നീക്കംചെയ്തിട്ടുണ്ട്. ഡാമിന്റെ ഘടനക്ക് മാറ്റം സംഭവിച്ചുവെന്ന വാര്‍ത്ത തെറ്റാണെന്നും അദ്ദേഹം പറഞ്ഞു.
ഷോളയാറിലുള്ള ആദിവാസി ക്യാംപും മന്ത്രി സന്ദര്‍ശിച്ചു. ബി.ഡി ദേവസി എം.എല്‍.എ, അതിരപ്പിള്ളി പഞ്ചായത്ത് പ്രസിഡന്റ് തങ്കമ്മ വര്‍ഗീസ് തുടങ്ങിയവരും മന്ത്രിക്കൊപ്പമുണ്ടായിരുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.