2017 June 25 Sunday
നമ്മുടെ വിനയം വലുതാകുന്തോറും നാം വലിപ്പത്തോട് അടുത്ത് വരികയാണ്
രവീന്ദ്രനാഥ് ടാഗോര്‍

അടിയന്തരാവസ്ഥ കാലത്ത് ജയിലില്‍ കിടന്നതിന് ലാലു പ്രസാദിനും പെന്‍ഷന്‍

പാറ്റ്‌ന: ആര്‍.ജെ.ഡി പ്രസിഡന്റായ ലാലു പ്രസാദിന് ഇനി മുതല്‍ മാസത്തില്‍ 10,000 രൂപ പെന്‍ഷന്‍ ലഭിക്കും. അടിയന്തരാവസ്ഥ കാലത്ത് ജയിലില്‍ കിടന്നവര്‍ക്ക് ബിഹാര്‍ സര്‍ക്കാര്‍ നല്‍കുന്ന പ്രതിമാസ പെന്‍ഷന്‍ ലഭിക്കാനായി ലാലു അപേക്ഷിച്ചിരുന്നു. അപേക്ഷിച്ചയുടന്‍ തന്നെ പെന്‍ഷന്‍ നല്‍കാന്‍ സര്‍ക്കാര്‍ നിര്‍ദ്ദേശിക്കുകയും ചെയ്തു.

അടിയന്തരാവസ്ഥ കാലത്ത് തടവ് ശിക്ഷ അനുഭവിച്ചവര്‍ക്ക് നല്‍കുന്ന ജെപി സേനാനി സമ്മാന്‍ പെന്‍ഷന്‍ പദ്ധതിയുടെ ഭാഗമായാണ് ലാലുവിനും പെന്‍ഷന്‍ ലഭിക്കുക. വിദ്യാര്‍ഥി നേതാവായിരിക്കെയാണ് മിസ നിയമപ്രകാരമാണ് ലാലു തടവിലാകുന്നത്.

അടിയന്തരാവസ്ഥക്കെതിരെ ജയപ്രകാശ് നാരായണന്റെ നേതൃത്വത്തില്‍ നടന്ന പ്രതിഷേധ സമരത്തില്‍ അണിനിരത്ത് ജയില്‍ശിക്ഷ അനുഭവിച്ചിട്ടുള്ളവരാണ് ലാലുവും നിതീഷ് കുമാറും.

പദ്ധതി പ്രകാരം 3,100 ഓളം പേര്‍ക്കാണ് സര്‍ക്കാര്‍ പെന്‍ഷന്‍ നല്‍കുന്നത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.