2019 August 17 Saturday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

അഞ്ചു കവിതകള്‍

പവിത്രന്‍ തീക്കുനി

 

ഒന്ന്-
കാവ്യഭാഷയില്‍
കുരയ്ക്കുന്നു
മൗനത്തിന്റെ കരിനിഴലുകള്‍.

രണ്ട്-
പൂര്‍ണഗര്‍ഭിണിയായ
മരണജഡത്തില്‍
കാവലിരിക്കുന്നു
നുരയ്ക്കുന്ന കിതപ്പുകള്‍.

മൂന്ന്-
ഇരുട്ടിലേക്കു നാവുകള്‍
വലിച്ചിട്ടു
വാലാട്ടുന്നു പുതുമരങ്ങള്‍.

നാല്-
കാലം നക്കിക്കുടിക്കുന്നു
രതിമൂര്‍ഛയുടെ
കന്നികള്‍.

അഞ്ച്-
നിഴലുകള്‍ വരയ്ക്കുന്ന
കവിതയില്‍
നിരതെറ്റിക്കിടക്കുന്നു
പേ ഇളകിയ വീടുകള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.