2020 May 27 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

അക്ഷരങ്ങളില്‍ മാത്രമല്ല അറിവുകള്‍

മുഖ്താര്‍ കമാലി, കാഞ്ഞിരംകുന്ന്‌

അറിവുകള്‍ അക്ഷരങ്ങളില്‍ മാത്രം സന്നിവേശിക്കപ്പെട്ടതാണെന്ന ചിന്താധാരകൂടുതല്‍ ശക്തിയാര്‍ജിക്കുബോള്‍ നിഷ്ടമാവുന്നത് ജ്ഞാനാന്വേഷണങ്ങളുടെ ബഹുമുഖ മേഖലകളും മാനങ്ങളുമാണ്. പഠനം പാഠപുസ്തകളിലും അച്ചടിമഷിയിലും മാത്രം ഒതുക്കപ്പെട്ടപ്പോള്‍ അറിവിന്റെ ലോകം ഗ്രന്ഥതാളുകളില്‍ മാത്രമാണെന്ന ചിന്ത ക്രൂരമായി ചിത്രീകരിക്കപ്പെട്ടു.
പത്ത് മാസം നീണ്ടു നിന്ന പഠനാഭ്യാസമുറകള്‍ക്ക് വിശ്രമം അനുവദിച്ച് രണ്ട് മാസ കാലാവധിക്കുള്ള ബെല്‍ നാദം മുഴങ്ങിയ ഈയൊരു സന്ദര്‍ഭത്തിലാണ് ഇത്തരത്തിലുളെളാരു എഴുത്തിനും വായനക്കും കൂടുതല്‍ പ്രസക്തി. അറിവിന്റെ അപാര സാന്നിധ്യം പ്രകൃതിയുടെ ഓരോ അടരുകളിലുമെന്നത് സത്യം, ഒരായുസ് മുഴുവന്‍ വായിച്ച് തീര്‍ത്താലും എങ്ങുമെത്താത്ത അസംഖ്യം വിജ്ഞാന ഏടുകളാല്‍ സമ്പന്നവും സുന്ദരവുമാണ് തൊട്ടറിയാവുന്ന പഠനത്തിന്റെ ഈ മഹാ കളരി.
പക്ഷേ, മണ്ണും മാനവും, നാടും തോടും, പാടങ്ങളും തൊടികളും കളി ചിരികളും തമാശകളുമെല്ലാം നിഷേധിക്കപ്പെട്ട പുതിയ ബാല്യങ്ങള്‍ വിദ്യ നിഷേധിക്കപ്പെടലിന്റെ വേറൊരു ഇരകളാണ്. 60 ദിവസത്തെ അവധി വേളകളില്‍ 6000ത്തിലേറെ പദ്ധതികളുമായി കുഞ്ഞു ബാല്യങ്ങളുടെ കുഞ്ഞുതലച്ചോറില്‍ സങ്കീര്‍ണതകള്‍ കുത്തിനിറയ്ക്കുബോള്‍ വിശാലമായ കാഴ്ചകളുടെ അനന്ത തീരങ്ങളാണ് അവര്‍ക്ക് മുന്നില്‍ വിദ്യാഭ്യാസത്തിന്റെ നവ ചിന്തകളില്‍ അക്ഷരങ്ങള്‍ രക്ഷയില്ലാത്ത നുകം പേറലുകളാണെന്ന് പുതുതലമുറക്ക് തോന്നിത്തുടങ്ങിയാല്‍ അക്ഷരങ്ങളോട് ചെയ്യുന്ന മഹാ അപരാധമാവുംഅത്.
അത് കൊണ്ട് വിദ്യാര്‍ഥിത്വത്തിന്റെ ചിറകുകള്‍ക്ക് സങ്കുചിതമായ പരിധി നിശ്ചയിച്ചു കൂട, കൂട്ടിലിട്ട തത്തയുടെ സൗന്ദര്യം നാം ആസ്വദിക്കുമ്പോഴും ആവശ്യത്തിലധികം അതിന് ഊണും വെളളവും നല്‍കി വളര്‍ത്തുമ്പോഴും ഓര്‍ക്കുക, സ്വാതന്ത്ര്യത്തിന്റെ വിവക്ഷ അതല്ല.’ ബന്ധുര കാഞ്ചന കൂട്ടിലാണെങ്കിലും ബന്ധനം ബന്ധനം തന്നെ പാരില്‍ ‘. നമ്മുടെ മക്കള്‍ പറക്കട്ടെ, മണ്ണും വിണ്ണും അവരുമറിയട്ടെ, അവരുടെ ദേഹത്തും ചളി പുരളട്ടെ, നാട്ടിലെ തോട്ടിലും പുഴയിലും അവരും തിമര്‍ത്തുല്ലസിക്കട്ടെ, കളിചിരികളാല്‍ അവരുടെ മനസ്സും ആഹ്ലാദഭരിതമാവട്ടെ. അങ്ങിനെ, അറിവിന്റെ വിഭിന്ന മേഖലകളില്‍ അവരും പാദമൂന്നട്ടെ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.