2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

അക്ഷയ് കുമാറുമായി അഭിമുഖം; മോദിയെ വിമര്‍ശിച്ച് പ്രിയങ്കാ ഗാന്ധി

വാരണാസി: രാജ്യത്തെ കര്‍ഷകരുമായാണ് പ്രധാനമന്ത്രി സംസാരിക്കേണ്ടതെന്ന് കോണ്‍ഗ്രസ് നേതാവ് പ്രിയങ്കാ ഗാന്ധി. ബോളിവുഡ് താരം അക്ഷയ് കുമാറുമായി പ്രധാനമന്ത്രി നരേന്ദ്രമോദി നടത്തിയ അഭിമുഖത്തിന്റെ പശ്ചാത്തലത്തിലായിരുന്നു പ്രിയങ്കയുടെ പ്രതികരണം. ഈ ദിവസങ്ങളില്‍ രാജ്യത്തെ വലിയ രാഷ്ട്രീയക്കാര്‍ അഭിമുഖങ്ങള്‍ നല്‍കുന്നത് കാണാമെന്നും എന്നാല്‍ അവര്‍ നിങ്ങള്‍ക്കടുത്തേക്ക് വരുന്നില്ലെന്നും ഒരു തിരഞ്ഞെടുപ്പ് റാലിയില്‍ സംസാരിക്കവേ പ്രിയങ്ക പറഞ്ഞു. അടുത്തിടെ താന്‍ വാരണാസിയില്‍ പോയിരുന്നു. കഴിഞ്ഞ 5 വര്‍ഷത്തിനിടെ വാരണാസിയിലെ ഒരു ഗ്രാമത്തിലും പ്രധാനമന്ത്രി മോദി സന്ദര്‍ശിച്ചിട്ടില്ലെന്നാണ് തനിക്ക് മനസ്സിലായത്. കര്‍ഷകരോട് മോദി സംസാരിക്കണം. അഭിനേതാക്കളെപ്പോലെ സന്തോഷിപ്പിക്കുന്ന ചോദ്യങ്ങളല്ല അവര്‍ക്ക് ചോദിക്കാനുണ്ടാവുകയെന്നും പ്രിയങ്കാ ഗാന്ധി പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.